Portugaliya terma jamoasi sardori Krishtianu Ronaldu Argentinaning jahon chempionligini qo‘lga kiritganiga hech qanday munosabat bildirmadi.
37 yoshli futbolchi ijtimoiy tarmoqlar orqali so‘nggi marta 11 dekabr kuni post qoldirgandi. Shundan buyon u "sukut" saqlamoqda.
Eslatib o‘tamiz, Ronalduning azaliy raqobatchisi Messi Qatarda Mundial finalida 2ta gol urib, jahon chempionligini qo‘lga kiritdi. U musobaqaning eng yaxshi futbolchisi deb tan olindi. Portugaliya esa chorak finalda Marokashga yutqazib, turnirni tark etdi.
Krishtianu ayni paytda o‘ziga yangi jamoa qidirmoqda. Hozircha futbolchi agentlarining harakatlari samara keltirmadi.
