Португалия терма жамоаси сардори Криштиану Роналду Аргентинанинг жаҳон чемпионлигини қўлга киритганига ҳеч қандай муносабат билдирмади.
37 ёшли футболчи ижтимоий тармоқлар орқали сўнгги марта 11 декабрь куни пост қолдирганди. Шундан буён у "сукут" сақламоқда.
Эслатиб ўтамиз, Роналдунинг азалий рақобатчиси Месси Қатарда Мундиал финалида 2та гол уриб, жаҳон чемпионлигини қўлга киритди. У мусобақанинг энг яхши футболчиси деб тан олинди. Португалия эса чорак финалда Марокашга ютқазиб, турнирни тарк этди.
Криштиану айни пайтда ўзига янги жамоа қидирмоқда. Ҳозирча футболчи агентларининг ҳаракатлари самара келтирмади.
