Ronaldu «An-Nasr» bilan muzokaralarni boshladi!

Krishtianu Ronaldu Portugaliya terma jamoasi yig‘iniga jo‘nab ketish oldidan «An-Nasr» klubi rahbariyati bilan uchrashuv o‘tkazdi.

39 yoshli futbolchi klub bosh direktori Gvido Fiyenga hamda Saudiya Arabistoni investisiya jamg‘armasi va mamlakat turizm vazirligi vakili bilan gaplashdi. Unda tomonlar Ronalduning shartnomasini uzaytirish masalasini muhokama qilishdi va bu borada og‘zaki kelishuvga erishishdi.

Krishtianuning amaldagi shartnomasi 2025 yilning yozida yakuniga yetadi. Futbolchi 2022 yilning dekabr oyidan buyon Saudiyada to‘p tepib kelmoqda.