Respublikachilar Trampning Panama kanali haqidagi g‘oyalariga shubha bilan qarashmoqda

The Hill gazetasining yozishicha, Kongressdagi AQSh Respublikachilar partiyasining yuqori martabali a’zolari Panama kanalini Amerika mulkiga qaytarishni talab qilayotgan hamda Grenlandiya hududiga da’vogarlik qilayotgan saylangan prezident Donald Tramp g‘oyalarini amalga oshirish yo‘lini ko‘rmayaptilar.

OAV xabarlariga ko‘ra, Kongressdagi Kapitoliy tepaligidagi yuqori lavozimli respublikachilar Tramp uchun Grenlandiya yoki Panama kanalini qo‘lga kiritish yo‘lini ko‘rmayapti.

Maqolada qayd etilishicha, respublikachilar Trampning Grenlandiya haqidagi g‘oyalarini umuman olganda kulgili deb bilishadi, lekin ular ehtiyotkor, u bilan ochiq qarama-qarshilikka kirishni istamaydi. Panama kanali borasida bo‘lsa, u ustidan nazoratning qaytarilishi ham dargumon ko‘rinadi, bir qator respublikachi qonunchilar kanalning betarafligini ta’minlash AQSh manfaatiga xizmat qiladi, deb hisoblaydi.