«Real» Trent uchun yangi taklif tayyorlamoqda

Madridning «Real» klubi «Liverpul» himoyachisi Trent Aleksander-Arnoldning transferi bo‘yicha yangi taklif tayyorlamoqda.

The Times xabariga ko‘ra, «Qirollik klubi» 26 yoshli himoyachi uchun «Liverpul»ga 20 mln funt (26 mln yevro) taklif qilishga tayyor. Aleksander-Arnoldning shartnomasi kelayotgan yozda yakunlanadi.

Avvalroq, «Liverpul» rahbariyati «Real»ga himoyachini sotish niyati yo‘qligini ma’lum qilgani haqida xabarlar tarqalgan edi.

Ma’lumot o‘rnida, Trent joriy mavsumda 23 o‘yinda ishtirok etgan, bitta gol va 5 ta assist amalga oshirgan. Transfermarkt ma’lumotlariga ko‘ra, uning transfer qiymati 75 mln yevroga teng.