“Real” Ronalduning o‘rniga Germaniyadan futbolchi topdi

“Real” Ronalduning o‘rniga ayni damda Germaniyada to‘p surayotgan futbolchini olib kelmoqchi.

“Qirollik klubi” prezidenti Florentino Peres “Chelsi” a’zosi Eden Azarning transferi ijobiy yakunlanishiga ishonmayapti. Shu bois u Ronalduning o‘rnini yosh va iqtidorli futbolchi bilan to‘ldirish niyatida.

Madrid klubi Dortmundning “Borussiya” klubida to‘p surayotgan 17 yoshli amerikalik futbolchi — Pulishichni xarid qilish niyatida. “Real” futbolchi uchun 70 mln yevro to‘lashga tayyor. O‘z navbatida Pulishich ham “Borussiya” bilan shartnomasini uzaytirmoqchi emas.

Ma’lumot uchun, Pulishich o‘tgan mavsumda 27 ta o‘yinda maydonga tushib, 4 ta gol urdi va 4 ta golli uzatmani amalga oshirdi.