"Real" klubi 2020/2021 yilgi mavsum uchun moliyaviy hisobotlarni e’lon qildi.
Klub pandemiya vaqtida, ya’ni 2020 yilning mart oyidan buyon 300 million yevro zarar ko‘rgan.
Qo‘llangan choralardan so‘ng klub yilni bor-yo‘g‘i 874 ming yevro daromad bilan tugatgan.
Shu tariqa, madridliklar ushbu vaqtda kamomadga kirmagan klublardan biri bo‘ldi.
UYEFA tahliliga ko‘ra, Yevropa klublari 2019-2021 yilda 6 milliard yevroga yaqin pul yo‘qotgan.
"Real" maoshlarni 58 milliongacha, boshqa harajatlarni 62 milliongacha qisqartirdi. Futbolchilarni sotishdan esa 175 million pul ishladi.
Klubning qarzlari 240 milliondan 46 milliongacha pasaydi.