Ingushetiya rahbari Yunus-Bek Yevkurov Instagramdagi sahifasi orqali Ramazon munosabati bilan bozorlarda oziq-ovqat narxlari pasaytirilishini ma’lum qildi.
Narxlarni pasaytirish uchun Ramazon davomida tadbirkorlardan ijara haqi undirilmay turiladi. Agar tadbirkorlardan kimdir joriy oy uchun ijara haqini to‘lagan bo‘lsa, puli to‘liq qaytarib beriladi.
Yunus-Bek Yevkurov bu borada mamlakatdagi barcha bozorlar direktorlariga ko‘rsatma berilganini bildirdi. Uning aytishicha, bozorlardagi narxlar monitoring qilib boriladi, ayniqsa, bayram arafasida narxlarning asossiz ko‘tarilmasligi tekshiriladi.