Rafael Nadal tennischi sifatida faoliyatini yakunladi

Mashhur ispan tennischisi, “Katta dubulg‘a” turnirining 22 karra chempioni Rafael Nadal sportdagi faoliyatini yakunladi.

Tennischi Ispaniya va Niderlandiya terma jamoalari o‘rtasidagi Devis kubogi chorak finalida niderlandiyalik Botik van de Zandsxulpga 4:6, 4:6 hisobida imkoniyatni boy berdi.

Ushbu bahsda Niderlandiya terma jamoasi Ispaniyani mag‘lub etib, yarim finalga yo‘llanma oldi.

“Vaziyatning shu nuqtaga kelib qolgani hech kimga yoqmaydi. Men tennis o‘ynashdan charchadim. Mening tanam endi tennis o‘ynashni xohlamaydi. Unvonlar, raqamlar - hamma narsa bor. Ammo meni Malyorkadagi kichik bir qishloqdan chiqib, orzusi sari intilgan va hozirgi kunga erishish uchun astoydil harakat qilgan oddiy inson sifatida eslab qolishni istardim”, - dedi Nadal kortda bergan intervyusida.

Avvalroq, Rafael Nadal 10 oktyabr kuni Devis kubogi finalida o‘zining so‘nggi professional o‘yinini o‘tkazishini ma’lum qilgandi.