Polsha Mudofaa vaziri qo‘shni davlatlar Ukrainaga tinchlikparvar kuchlarni yubormasligi kerakligini, shuningdek, Polsha ham bunday qilmasligini ma’lum qildi.
Vladislav Kosinyak-Kamish bu fikrni Financial Times nashriga bergan intervyusida ma’lum qildi.
"Tinchlik rejasi ishlab chiqilganidan keyin, biz uni muhokama qilamiz. Ammo chegaradosh mamlakatlari o‘z qo‘shinlari bilan Ukrainada hech qanday tarzda ishtirok etmasligi kerak. Menimcha, NATO'ga a’zo davlatlar orasida yukni qayta taqsimlash va diversifikasiya qilish zarur", – deya aniqlik kiritdi Polsha Mudofaa vaziri.
Shu bilan birga, Kamish AQShning saylangan prezidenti Donald Trampning NATO davlatlarini mudofaa uchun yalpi ichki mahsulotning 5 foizini sarflash talabini qo‘llab-quvvatlashini bildirdi.
Ma’lumot uchun, Polsha joriy yilda mudofaa uchun yalpi ichki mahsulotning 4,7%ini sarflashi rejalashtirilgan, bu NATO'dagi eng yuqori ko‘rsatkich hisoblanadi.
Rossiyada o‘lganlar soni rekordmi?
“Manchester Siti” Abduqodir Husanov uchun qancha pul to‘lashi aytildi
Ukrainadagi kelishuv tafsilotlari oshkor bo‘ldi
