Qo‘shma Shtatlar 8 yil oldin Ukrainada Rossiya chegarasi bo‘ylab 12 ta maxfiy bazani joylashtirgan,
Bu haqda The New York Times nashri xabar bermoqda.
Asosan yer osti bunkerlarida joylashgan ushbu bazalardan Rossiya aloqa to‘lqinlari tinglanmoqda va endi kamikadze dronlari ham nazorat qilinmoqda.
2016 yilda AQSh Markaziy razvedka boshqarmasi Ukrainaning "2245-bo‘linma"sini tayyorlashni boshlagan, bo‘linma Rossiya dronlari va aloqa vositalarini qo‘lga kiritgan, keyinchalik bu razvedka boshqarmasiga ularni buzish imkoniyatini taqdim etgan. Ushbu bo‘linmaning ofiserlaridan biri Ukraina razvedka boshqarmasining hozirgi rahbari Kirill Budanov bo‘lgan.
Shuningdek, AQSh Markaziy razvedka boshqarmasi Rossiya ichida, butun Yevropa, Kuba va ruslar ko‘p bo‘lgan boshqa joylarda faoliyat yuritgan ukrainalik josuslarning yangi avlodini tayyorlashga yordam bergan, deyiladi maqolada.
So‘nggi o‘n yil ichida ushbu hamkorlik Ukrainani razvedka ma’lumotlarini yig‘ish markaziga aylantirdi, u AQSh Markaziy razvedka boshqarmasining Rossiyadagi maxfiy bo‘linmalaridan ko‘ra ko‘proq ma’lumot yiqqan.
Gazetaning yozishicha, Markaziy razvedka boshqarmasi bilan bunday yaqin hamkorlik Putinning Ukrainaga bostirib kirishga qaror qilgan sabablardan biri bo‘lgan.