Qozog‘istonning SCAT aviakompaniyasiga tegishli samolyot Qozog‘istonning g‘arbiy qismidagi Atirau shahridan Nur-Sultonga uchib ketganidan so‘ng katta qushlar to‘dasi bilan to‘qnashdi. Aviakompaniya matbuot xizmati xabariga ko‘ra, samolyot aeroportga eson-omon qaytib kelgan, hech qanday shikastlanish kuzatilmagan.
Hodisa seshanba kuni kechqurun sodir bo‘lgan.
"Atirau – Nur-Sulton parvozi paytida, tog‘dan ko‘tarilayotganda katta qushlar (ehtimol, g‘ozlar yoki o‘rdaklar) to‘dasi samolyotga kelib urilgan. Samolyot komandiri Ivan Karpovich jo‘nash portiga qaytish to‘g‘risida qaror qabul qildi. Qo‘nish odatiy rejimda amalga oshirildi", – deyiladi aviakompaniya bayonotida.
Kompaniya ma’lumotlariga ko‘ra, 115 yo‘lovchisi bo‘lgan samolyot parvozdan 12 daqiqa o‘tgach ortga qaytishga majbur bo‘lgan.
