Rossiya va Qozog‘iston o‘rtasidagi munosabatlarda do‘stlik va ittifoqchilik saqlanib qolgan, ikki mamlakat rasmiylari do‘stona munosabatlarni mustahkamlanish uchun barcha imkoniyatlarni ishga soladi. Bu haqda bugun, 15 iyun kuni Qozog‘iston Prezidenti Tokayev “Rossiya 24” telekanaliga bergan intervyusida aytib o‘tdi.
Uning ta’kidlashicha, Qozog‘iston hukumati Moskvaga nisbatan sanksiyalar bosimiga qaramay, Rossiya oldidagi ittifoqchilik majburiyatlarini bajarishdan bosh tortmayapti.
"Qozog‘iston hech qanday holatda ittifoqchilik majburiyatlaridan voz kechmaydi, bu noto‘g‘ri va oxir-oqibat kelajak nuqtai nazaridan asossiz ish bo‘lar edi. Ishonchim komilki, Rossiya hozirgi qiyinchiliklarni yengib o‘tadi, bu katta va adolatli davlat. Rossiya, o‘tgan tajriba shuni ko‘rsatadiki, u ekstremal vaziyatlarda juda yaxshi ishlaydi”,- degan u.
Shu bilan birga, davlat rahbari Qozog‘iston amaldagi sanksiyalar rejimini buzmasligi kerakligini tushuntirdi.
"Bundan tashqari, sanksiyalar rejimi buzilgan taqdirda iqtisodiyotimizga qarshi ikkilamchi sanksiyalar qo‘llanilishi haqida bildirishnomalar olamiz. Biz Rossiya hukumati bilan jadal sur’atlarda ishlash va sanksiyalarni buzmagan holda zarur kelishuvlarga erishishda davom etamiz”, - deydi prezident.
Shoygu urush tugaydigan “aniq va shubhasiz” sanani ma’lum qildi
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Markaziy Osiyo davlatlariga tashqi kuchlar tomonidan bosim o‘tkazilmoqda - O‘zbekiston Prezidenti huzuridagi Xavfsizlik Kengashi
