Qirg‘izistonda KXSHT Tashqi ishlar vazirlari kengashining yig‘ilishi boshlandi

Cho‘lpon-Otada (Qirg‘iziston) KXSHT Tashqi ishlar vazirlari kengashining yig‘ilishi boshlandi.

Qirg‘iziston OAVlari xabar berishicha, unda tashkilot bosh kotibi Imangali Tasmagambetov ishtirok etmoqda.

Qirg‘iziston Tashqi ishlar vazirligi Armaniston yig‘ilishda ishtirok etmayotgani, biroq videobog‘lanish orqali mamlakat vakili yig‘ilishda ishtirok etishi mumkinligini ma’lum qildi. Armaniston Tashqi ishlar vazirligi vazirning yig‘ilishda ishtirok etmagani yuzasidan hozircha izoh bermadi.

Tomonlar xalqaro va mintaqaviy vaziyatni, uning KXSHT mamlakatlari xavfsizligiga ta’sirini muhokama qiladi, axborot xavfsizligini ta’minlash, terrorizm va ekstremizmga olib keladigan radikallashuvga, xususan, Yaqin Sharqdagi vaziyatga qarshi kurashish masalalari bo‘yicha bayonotlar qabul qiladi. Markaziy Osiyo va Afg‘oniston uchun barqaror rivojlanish maqsadlari bo‘yicha BMTning mintaqaviy markazini yaratish masalasi ko‘rib chiqiladi.

Bundan tashqari, yig‘ilish ishtirokchilari KXSHT va SHHT va MDH o‘rtasidagi keyingi hamkorlikni muhokama qiladilar.