Qatar hozirda faol hamkorlik qilayotgan NATOning tarkibiga kirish istagini bildirdi. Bu haqda Qatar mudofaa vaziri Xolid bin Muhammad al-Attiyya “Al-Talayya” nashriga bergan intervyusida aytib o‘tgan.
“Qatar NATO bilan samarali hamkorlik qiladi, bu hamkorlik kundan-kunga rivojlanib bormoqda va Qatarda NATOning biror bo‘limi yoki ixtisoslashgan markazi joylashtirilishiga olib kelishi mumkin. NATOda a’zolikka kelsak, biz unda to‘laqonli a’zo bo‘lishga erishish istagimiz bor”, deb ta’kidlab o‘tgan al-Attiyya.
Uning aytishicha, alyans Qatarga terrorchilikka va uning moliyalashtirilishiga qarshi kurashda yordam berishi va mintaqada xavfsizlik hamda barqarorlik kafolati bo‘la olishi mumkin.
Manba: kun.uz
