Қатар ҳозирда фаол ҳамкорлик қилаётган НАТОнинг таркибига кириш истагини билдирди. Бу ҳақда Қатар мудофаа вазири Холид бин Муҳаммад ал-Аттийя “Ал-Талаййа” нашрига берган интервьюсида айтиб ўтган.
“Қатар НАТО билан самарали ҳамкорлик қилади, бу ҳамкорлик кундан-кунга ривожланиб бормоқда ва Қатарда НАТОнинг бирор бўлими ёки ихтисослашган маркази жойлаштирилишига олиб келиши мумкин. НАТОда аъзоликка келсак, биз унда тўлақонли аъзо бўлишга эришиш истагимиз бор”, деб таъкидлаб ўтган ал-Аттийя.
Унинг айтишича, альянс Қатарга террорчиликка ва унинг молиялаштирилишига қарши курашда ёрдам бериши ва минтақада хавфсизлик ҳамда барқарорлик кафолати бўла олиши мумкин.
Manba: kun.uz
