Qashqadaryo 18 yoshli qiz o‘z joniga qasd qilgani tasdiqlandi

Qashqadaryo viloyati G‘uzor tumanida 18 yoshli qiz pichoqlangan holda topildi.

Viloyat Ichki ishlar boshqarmasi Matbuot xizmati holat yuzasidan ma’lumot berdi.

Ma’lum bo‘lishicha, dastlabki surishtirular o‘tkazilgan. Unda fuqaro M.D. oshxona pichog‘ini o‘zining qorin bo‘shlig‘iga bir marotaba sanchib olgani aniqlangan. Shuningdek, u Respublika shoshilinch tez yordam ilmiy-amaliy markazining Qashqadaryo filiali jonlantirish bo‘limiga yotqizilgan.

Qo‘shimcha qilinishicha, mazkur holat yuzasidan G‘uzor tuman ichki ishlar bo‘limi tomonidan tergovga qadar tekshirish harakatlari olib borilmoqda.