2024 yil fevral oyida Vladimir Putinning Sochidagi "Bocharov Ruchey" qarorgohidagi asosiy bino buzila boshlandi. Jurnalistlarga ko‘ra, binoni buzish mart oyida yakunlangan. Endi uning o‘rnida qurilish texnikalari ishlamoqda.
Shu bilan birga, 2024 yil 6 mart kuni Atom energiyasi bo‘yicha xalqaro agentlik (MAGATE) rahbari Rafael Grossi Sochi qarorgohiga keldi. Ma’lumotlarga ko‘ra, Putin u va «Rosatom» bosh direktori Aleksey Lixachev bilan 2014 yildagi Sochi Olimpiadasidan keyin qarorgohning janubiy chegarasida qurilgan va «Bocharov Ruchey-2» deb nomlangan boshqa binoda uchrashgan.
2014 yil fevral oyida Putinning matbuot kotibi Dmitriy Peskov "Bocharov Ruchey-2" qurilishi haqida gapirar ekan, «eski binoda hamma narsa funksional jihatdan qoniqarli emasligini» aytdi. U Putinning yangi qarorgohini «zamonaviy dizayndagi ofis binosi» deb ta’rifladi.
"Bocharov Ruchey" 1991 yildan beri Rossiya Federasiyasi Prezidentining rasmiy qarorgohi bo‘lib xizmat qilgan. Vladimir Putin o‘zining dastlabki ikki muddati davomida "Bocharov Ruchey"da chet el rahbarlarini bir necha bor qabul qilgan - Turkiya prezidenti Rajab Toyyib Erdo‘g‘an va Aleksandr Lukashenko, 2008 yilda esa AQSh prezidenti Jorj Bush bu yerga kelgan. Xuddi shu binoda 2014 yildan beri Putin Mudofaa vazirligi rahbariyati bilan muntazam uchrashuvlar o‘tkazadi. Biroq, 2022 yildan buyon bu uchrashuvlar o‘tkazilmaydi.
Ukraina dushman uchun «Jahannam» tayyorladi
Rossiya Ukrainadan yerlarini qaytarib olganini e’lon qildi
Qo‘shma Shtatlar Rossiyaga qarshi bayonot bilan chiqdi
