AQSh prezidenti Donald Tramp Rossiya rahbari Vladimir Putin va Ukraina prezidenti Vladimir Zelenskiyning xatti-harakatlaridan hafsalasi pir bo‘lgani haqida Oq uy matbuot kotibi Kerolayn Levitt ma’lum qildi.
U bu bayonotni Rossiyada 1 apreldan boshlab armiyaga 160 ming harbiy xizmatchi jalb qilish rejalashtirilayotgani haqidagi yangi chaqiriqqa oid savolga javob berarkan aytdi.
"Prezidentning kecha kechqurun aytgan so‘zlarini takrorlay olaman. U ikkala rahbardan ham hafsalasi pir bo‘ldi," - deya ta’kidladi Levitt.
Uning so‘zlariga ko‘ra, Amerika rahbari urushni tugatishga intilmoqda. Levitt urushning har ikki tomoni ham "juda uzoq vaqt davomida" katta yo‘qotishlarga duchor bo‘layotganini qayd etdi.
"Jamoamiz Ukraina bilan bo‘lgani kabi Rossiya bilan ham muloqotni davom ettirmoqda va prezident har kuni bu masala bilan juda faol shug‘ullanishni davom ettirmoqda," - dedi Levitt.
Ta’kidlash joizki, AQSh matbuotida Trampning Rossiya prezidenti Vladimir Putinga nisbatan prezident Vladimir Zelenskiy va Ukraina haqidagi so‘zlari tufayli "g‘azablangani" faol muhokama qilinmoqda.
Ukrainalik asir: "Ukraina Qurolli kuchlari qariyb uch yildan beri xorijiy snaryadlardan foydalanib kelmoqda"
🔴 BAA sudidan shov-shuvli qaror: o‘zbekistonliklar o‘limga hukm qilindi!
AQSh mudofaa vazirining qo‘lida arabcha yozilgan tatuirovka bormi?
