Putin Trampni tabriklamasa nima bo‘ladi?

Agar Rossiya prezidenti Vladimir Putin Donald Trampni AQSh prezidenti saylovidagi g‘alabasi bilan tabriklamasa, "mamlakatlar o‘rtasidagi munosabatlar hozirgidan yomonroq bo‘lishi dargumon," dedi Rossiya rahbari matbuot kotibi Dmitriy Peskov jurnalistlarga.

U prezidentlik saylovini AQShning ichki ishi deb atadi va hali Trampning lavozimga kirishini kutishi kerakligini eslatdi. "Tabriklashga kelsak, prezidentning Trampni saylov bilan tabriklash rejalari haqida menga hech narsa ma’lum emas. Shuni unutmaylikki, gap bizning davlatimizga qarshi urushga bevosita va bilvosita jalb qilingan do‘st bo‘lmagan mamlakat haqida ketmoqda," - dedi Peskov.

Peskov «Putin konstruktiv muloqotga tayyorligini bir necha bor bildirganini» eslatdi. Prezident matbuot kotibining so‘zlariga ko‘ra, AQSh ma’muriyatidagi hozirgi kayfiyat mutlaqo teskari. «Yanvarda nima bo‘lishini ko‘ramiz», dedi Peskov.