Rossiya prezidenti Vladimir Putin Qozog‘iston prezidenti Qasim-Jomart Tokayev bilan telefon orqali suhbatlashdi. Suhbatda koronavirusga qarshi kurash choralari muhokama qilindi, bu borada kerakli choralarni ko‘rish muhimligi ta’kidlandi, deb xabar beradi Kreml matbuot xizmati.
"Koronavirus epidemiyasi va uning oqibatlariga qarshi kurashda Rossiya va Qozog‘istonda ko‘rilayotgan choralar muhokama qilindi. Bu boradagi harakatlarni yanada yaqin muvofiqlashtirish muhimligi qayd etildi. Aloqalarni davom ettirishga kelishib olindi", deyiladi xabarda.