Россия президенти Владимир Путин Қозоғистон президенти Қасим-Жомарт Токаев билан телефон орқали суҳбатлашди. Суҳбатда коронавирусга қарши кураш чоралари муҳокама қилинди, бу борада керакли чораларни кўриш муҳимлиги таъкидланди, деб хабар беради Кремл матбуот хизмати.
"Коронавирус эпидемияси ва унинг оқибатларига қарши курашда Россия ва Қозоғистонда кўрилаётган чоралар муҳокама қилинди. Бу борадаги ҳаракатларни янада яқин мувофиқлаштириш муҳимлиги қайд этилди. Алоқаларни давом эттиришга келишиб олинди", дейилади хабарда.