Putin boshlagan urushning 15 oyida 47 ming rus askari halok bo‘ldi. Bu haqda Meduza xabar berdi.
"Bizning ma’lumotlarga ko‘ra, urushning 15 oyi davomida Rossiya tomonida o‘lganlarning umumiy soni qariyb 47 ming kishini tashkil etdi. Bu Sovet Ittifoqining Afg‘onistondagi 10 yillik urushidagi yo‘qotishlaridan uch baravar va Rossiya federal qo‘shinlarining 1994-1996 yillardagi birinchi Chechen kampaniyasidagi yo‘qotishlaridan to‘qqiz baravar ko‘pdir", — deb yozadi nashr.
Nashrning qo‘shimcha qilishicha, yaralangan, halok bo‘lgan va bedarak yo‘qolgan ruslar bilan Rossiya yo‘qotishlari kamida 125 ming kishini tashkil qilishi mumkin.
