Rossiya parlamenti quyi palatasi Duma spikeri Vyacheslav Volodin mamlakat rahbari Vladimir Putin bosh vazir lavozimiga Mixail Mishustin nomzodini ilgari surganini ma’lum qildi.
Duma raisi Volodin o‘zining Telegram’dagi postida «Prezident Vladimir Vladimirovich Putin Mishustin Mixail Vladimirovich nomzodini Davlat Dumasiga bosh vazir lavozimiga taqdim etdi», deb yozdi.
Duma bugun bo‘lib o‘tadigan yalpi majlisida Mishustin nomzodini ma’qullashi kutilmoqda.
Rossiya prezidenti Vladimir Putin rasman o‘zining beshinchi muddatini boshlaganidan so‘ng Mishustin boshchiligidagi Rossiya hukumati qonunga muvofiq iste’foga chiqdi. Mishustin hukumat vakolatlarini yangi saylangan Rossiya prezidentiga o‘tkazish to‘g‘risidagi farmonni imzoladi. Hukumat iste’foga chiqqanidan keyin yangi hukumatni shakllantirish jarayoni rasman boshlandi.
Mamlakat qonunlariga ko‘ra, bosh vazir nomzodi parlamentning quyi palatasi – Dumada qabul qilinganidan keyin prezident tomonidan tegishli farmonni imzolash orqali lavozimga tayinlanadi. Yangi Bosh vazir yangi hukumat tarkibiga kiradiganlar ro‘yxatini lavozimga kirishganidan keyin kamida bir hafta o‘tgach Prezidentga taqdim etishi kerak.
O‘zbekiston Eron Prezidenti bo‘lgan vertolyotning baxtsiz hodisaga uchrashiga munosabat bildirdi
Tojikiston maktab ta’limiga to‘sqinlik qilganlik uchun jinoiy javobgarlikni kuchaytirdi
Qodirov Estoniyaga raketa hujumlarini uyushtirishga chaqirmoqda
