Portugaliya ustozi g‘alaba sirini aytdi

Portugaliya terma jamoasi bosh murabbiyi Roberto Martines jamoasi Yevro-2024 chorak finaliga chiqqanidan so‘ng o‘z fikrlari bilan o‘rtoqlashdi.

“Bizning sirimiz - Diogu Koshta, butun Yevropa futbolining asosiy yashirin siri. Bugun u o‘zini yangi darajada ko‘rsatdi, u avval yakkama-yakka vaziyatni olib chiqdi, keyin esa penaltilar seriyasida konsentrasiyasini saqlab, uchta seyvni amalga oshirdi. Biz u bilan faxrlanishimiz kerak.

Pley-off o‘yinlari o‘ziga xos nyuanslarga ega bo‘lgan alohida turnirdir. Kiyinish xonamizda aql bovar qilmaydigan muhit hukm surmoqda", - deya Martinesning so‘zlarini keltiradi UYEFA matbuot xizmati.