Polsha Qurolli Kuchlari Bosh shtabi boshlig‘i: biz kuchlarimizni keng ko‘lamli mojaroga tayyorlashimiz kerak

"Hammasi shundan dalolat bermoqdaki, aynan bizning avlodimiz vatanni himoya qilish uchun qo‘liga qurol oladi. Bu urushda na men, na sizlardan hech kim yutqazishni istamaydi", dedi general Veslav Kukula Vroslavdagi Harbiy akademiyadagi chiqishida.

Uning ta’kidlashicha, Polsha o‘z armiyasi sonini sezilarli darajada oshirishi kerak, bu esa aholining qarishi hisobiga qiyinchilik tug‘dirishi mumkin.

"Dushmanning harbiy salohiyati shunchalik kattaki, biz ancha katta armiya yaratishimizga to‘g‘ri keladi, bu esa umumiy xizmat modelini joriy qilish zarurligini anglatadi", deya qo‘shimcha qildi u.