Polisiya Belgrad ko‘chalarida kechasi o‘rnatilgan barcha barrikadalarni olib tashladi

Bu haqda Serbiya Ichki ishlar vazirligi ma’lum qildi.

Blic nashrining xabar berishicha, polisiya jamoat tartibini buzganlikda gumon qilingan bir nechta kishini hibsga olgan. Nashrga ko‘ra, Belgrad ko‘chalarida transport harakati asta-sekin tiklanmoqda.

Belgraddagi norozilik aksiyasi ishtirokchilari 30 iyunga o‘tar kechasi bir nechta ko‘chalarni to‘sib qo‘yishgan va barrikadalar qurishgan edi. Ular ilgari hibsga olingan namoyishchilarni ozod qilish hamda parlamentga muddatidan oldin saylovlar o‘tkazishni talab qilishgan.