Pokiston janubidagi Sind viloyatining Xayrpur tumanida avtobusning yuk mashinasi bilan to‘qnashib ketishi oqibatida kamida 11 kishi halok bo‘ldi, sakkiz kishi jarohatlandi.
Bu haqda "Dawn" gazetasi polisiyaga tayanib xabar bermoqda.
Huquq-tartibot idoralarining ma’lumotlariga ko‘ra, avariya avtobus haydovchisining ehtiyotsizligi sababli sodir bo‘lgan.
Jarohatlanganlar yaqin atrofdagi shifoxonalarga yetkazilgan, holat yuzasidan tergov harakatlari olib borilmoqda.