Hindiston armiyasi Pokistondagi uchta harbiy ayeroportga raketa zarbalari berdi. Bunga javoban Pokiston armiyasi Hindistonning qator ob’ektlari, jumladan S-400 zenit-raketa kompleksini yo‘q qilganini da’vo qilib, qarshi hujum uyushtirdi.
Pokiston tomonining rasmiy bayonotiga ko‘ra, Hindiston tomonidan hujum erta tongda amalga oshirilgan. Havo bazalariga poytaxt yaqinidagi Ravalpindi shahrida joylashgan Nur Xon hamda Panjob viloyatidagi Murid va Shorkot ayerodromlari zarba berilgan. Harbiylarga ko‘ra, raketalarning bir qismi havo hujumidan mudofaa tizimlari tomonidan tutib olingan, biroq hech qanday zarar va qurbonlar qayd etilmagan.
Bunga javoban Pokiston havo kuchlari Hindistonning Suratgarh, Sirsa, Bathinda va Axnur shaharlaridagi harbiy nishonlarga zarba berdi. Pokiston armiyasining da’vo qilishicha, operasiya davomida JF-17 qiruvchi samolyotidan otilgan gipertovushli raketa yordamida Hindistonning S-400 havo mudofaa tizimi yo‘q qilingan.
Kreml milliardlab topmoqda, Yevropa esa milliardlab sarflamoqda
Medvedevning xayollari
Durov: "Men rusman!"
