"Yuventus" yarim himoyachisi Pol Pogba Saudiya Arabistonidan ajoyib taklif oldi.
Yakshanba kuni Italiya OAVlari "Al-Ittihod" bazasida fransuz futbolchisining paydo bo‘lgani haqida xabar tarqatdi - tashrif sabablari aniqlanmagan. T.V xabariga ko‘ra, Pogba Saudiya Arabistoniga shartnoma bo‘yicha muzokaralar o‘tkazish uchun kelgan: "Al-Ittihod" futbolchiga yiliga 100 million yevro maosh bilan uch yillik shartnoma taklif qilgan. Shu tariqa, yarim himoyachi transferga rozi bo‘lsa, 300 million yevro ishlab oladi.
Pogbaning "Yuventus" bilan shartnomasi 2026 yilgacha mo‘ljallangan. 30 yoshli futbolchi o‘tgan mavsumda o‘n marta maydonga tushib, bitta golli uzatmani amalga oshirgan.
