Peru sog‘liqni saqlash vaziri Sezar Vaskes Sanches RPP Noticias telekanalida shunday dedi: "Afsuski, biz hozirgacha 15 o‘limni qayd etdik." Uning so‘zlariga ko‘ra, mamlakat rasmiylari yong‘inga qarshi kurashda xalqaro yordam so‘rash imkoniyatini istisno etmayapti.
Peru milliy favqulodda vaziyatlar markazi ma’lumotlariga ko‘ra, yil boshidan beri yong‘inlar oqibatida kamida 98 kishi jabrlangan. Markaz koordinatori Martin Xesus del Kastilyo Merino ta’kidlaganidek, yanvar oyidan buyon mamlakatda 179 ta yong‘in o‘chirilgan, 23 ta yong‘in o‘t o‘chiruvchilar va milliy xavfsizlik kuchlari tomonidan nazoratga olingan, biroq qolgan 32 ta yong‘in hali ham faol.