Parij yaqinida o‘smir maktab oldida o‘ldirildi

Hujumchilar 17 yoshli yigitni Parij yaqinidagi Esson departamentida maktabdan chiqib ketayotganda o‘ldirdi.

Bu haqda Evri kommunasi prokurori Greguar Dulenga tayanib, “Frans Press” agentligi xabar bermoqda .

Unga ko‘ra, o‘smir mahalliy vaqt bilan taxminan 17:00da pichoq bilan o‘ldirilgan. Olti kishi qo‘lga olinib, qasddan odam o‘ldirish bo‘yicha ish ochilgan.

Dastlabki tergov ma’lumotlariga ko‘ra, yigit "ko‘cha jinoiy guruhlari o‘rtasidagi to‘qnashuv paytida" o‘ldirilgan.