Париж яқинида ўсмир мактаб олдида ўлдирилди

Ҳужумчилар 17 ёшли йигитни Париж яқинидаги Эссон департаментида мактабдан чиқиб кетаётганда ўлдирди.

Бу ҳақда Эври коммунаси прокурори Грегуар Дуленга таяниб, “Франс Пресс” агентлиги хабар бермоқда .

Унга кўра, ўсмир маҳаллий вақт билан тахминан 17:00да пичоқ билан ўлдирилган. Олти киши қўлга олиниб, қасддан одам ўлдириш бўйича иш очилган.

Дастлабки тергов маълумотларига кўра, йигит "кўча жиноий гуруҳлари ўртасидаги тўқнашув пайтида" ўлдирилган.