Xabar berganimizdek, joriy yilning 19-21-may kunlari Shveysariyaning Lyusern shahrida para akademik eshkak eshish bo‘yicha jahon lisenzion turniri bo‘lib o‘tdi. Ushbu musobaqada M1X klassida 2000 metr masofaga o‘tkazilgan bahslarda oltin medal va Parij-2024 yozgi Paralimpiya o‘yinlariga to‘g‘ridan-to‘g‘ri lisenziyani qo‘lga kiritgan hamyurtimiz Muhayyo Abdusattorova bugun yurtimizga qaytib keldi.
Nufuzli musobaqada muvaffaqiyat qozongan para sportchimiz Toshkent xalqaro aeroportida O‘zbekiston Milliy paralimpiya qo‘mitasi rahbariyati, oila a’zolari hamda ommaviy axborot vositalari xodimlari tomonidan tantanali kutib olindi.