Ozarbayjon xalqaro qidiruvdagi O‘zbekiston va Ukraina fuqarolarini O‘zbekistonga qaytardi

O‘zbekiston Respublikasi Bosh prokuraturasining so‘rovi asosida 1992 yilda tug‘ilgan Ukraina fuqarosi Arsen Vasilevich Kaldarar va 1980 yilda tug‘ilgan O‘zbekiston fuqarosi Abdurahmon Abduvaliyevich Qayumov joriy yilning fevral oyida Ozarbayjonda ushlanib, ularga nisbatan qamoqqa olish ehtiyot chorasi qo‘llanilgan.

2002 yil 7 oktyabrdagi “Fuqarolik, oilaviy va jinoiy ishlar bo‘yicha yuridik yordam va huquqiy munosabatlar to‘g‘risida”gi Konvensiyaga asosan ayblanuvchilarni ekstradisiya qilish to‘g‘risida qarorlar qabul qilinib, ular Adliya vazirligi Jazoni ijro etish xizmati maxsus kolonnasi hamrohligida O‘zbekistonning vakolatli organlariga topshirilgan.