Oy Yerning ulkan kosmik jism bilan to‘qnashishi natijasida emas, balki boshqa yo‘l bilan shakllangan. Yapon olimlarining tadqiqoti ayni shunday xulosa berdi. Mutaxassislar bunday xulosaga Oy orbitasida sun’iy yo‘ldoshdan olingan ma’lumotlarni tahlil qilish orqali kelishdi.
Olimlarning ishonishicha, Yerning ulkan kosmik ob’ekt bilan to‘qnashishi natijasida sayyoraning tabiiy yo‘ldoshi Oy paydo bo‘lgani haqidagi nazariya qayta ko‘rib chiqilishi kerak. An’anaviy konsepsiyaga ko‘ra, Oy yuzasida deyarli barcha uchuvchi moddalar yuqori harorat ta’sirida bug‘lanib ketgan. Ammo mutaxassislar yarim yil davomida Oy orbitasida bo‘lgan "Kaguya" sun’iy yo‘ldoshidan olingan ma’lumotni o‘rganib chiqib, Oyda kuchli uglerod ionlari va boshqa elementlarning oqimi borligini aniqladilar. Bu ma’lumotlar astrologiyada shu paytga qadar hukmronlik qilgan Yer yo‘ldoshining kelib chiqishi nazariyasiga mos kelmaydi.
