AQSh prezidenti Jo Bayden XXR raisi Si Szinpin bilan telefon orqali muloqoti chog‘ida Rossiya neftiga maksimal narx belgilash masalasini ko‘tarmagan.
Bu haqda AQSh ma’muriyatining yuqori martabali vakili ma’lum qildi.
“Ikki rahbar o‘rtasidagi suhbat chog‘ida Rossiya neftiga narx chegarasini belgilash masalasi ko‘tarilmagan”, — deya uning so‘zlaridan iqtibos keltiradi RIA Novosti.
Avvalroq Reuters agentligi G7 davlatlari 5 dekabrga qadar Rossiya nefti narxini cheklash mexanizmini ishga tushirish niyatida ekani haqida xabar bergandi.
