Olimlar Leonardo da Vinchi asarida DNK izlarini topdi

Olimlar Leonardo da Vinchi asarida DNK izlarini topdi. Dastlabki tadqiqotlar shuni ko‘rsatdiki, namuna va da Vinchi oilasiga mansub bo‘lgan san’at asaridagi genetik material o‘rtasida genetik bog‘liqlik mavjud. Biroq, natijalar hali ham qo‘shimcha tadqiqotlarni talab qiladi, deb yozgan DW.

Tadqiqot guruhiga J. Kreyg Venter instituti vakili, amerikalik olim Xarinder Singx rahbarlik qildi. Uning jamoasi "Muqaddas bola" deb nomlangan shaxsiy kolleksiyadan chaqaloq boshi tasvirlangan rasmni o‘rgandi. Olimlar rasmning old va orqa qismidan mikroskopik namunalar olishdi. Bakteriyalar, zamburug‘lar, o‘simliklar va hayvonlarning DNKsi bilan bir qatorda, odamlarga tegishli genetik material ham topildi.

Biroq, bu tadqiqotga to‘sqinlik qiladigan bitta muammo bor. Rasmning aniq muallifi noma’lum va san’at tarixchilari faqat asar Leonardo da Vinchi tomonidan yaratilgan deb taxmin qilishmoqda. DNK parchalari ham jiddiy shikastlangan va turli odamlarga tegishli bo‘lishi mumkin, chunki asrlar davomida ko‘p odamlar asarga qo‘l tekkizgan.

Tadqiqot guruhi tarkibiga genetiklar, antropologlar, arxeologlar va san’atshunoslar kabi 30 dan ortiq olimlar kiradi. Ular shuningdek, da Vinchining avlodlari, ya’ni otasi tarafidan uning tirik 15 avlodining DNKsini o‘rganishni rejalashtirishmoqda.