O‘zbekistonda jazirama kutilayapti. Eron va Turkmanistondan issiq havo kirib, haroratni odatiy ko‘rsatkichlardan 4-7 darajagacha isitib yuboradi. "O‘zgidromet"ning bir haftalik ob-havo ma’lumotiga ko‘ra havo harorati g‘ayritabiy tarzda oshishi kutilmoqda.
"Hafta boshida havo harorati 39, ba’zi joylarda esa 41 darajagacha chiqdi. Bu odatdagidan 2-4 daraja issiq. Lekin 26-30 iyun kunlari chilla o‘z kuchini ko‘rsatadi. Mamlakatning ko‘plab hududlarida jazirama kuchayadi", – deyiladi xabarda.
"O‘zgidromet"ning aytishicha, Eron va Turkmanistondan issiq havo kirib kelmoqda. Kunduzi 40 darajagacha, shimol, janub va cho‘l joylarda 42 darajagacha ko‘tarilishi mumkin. Bu odatiy haroratdan 4-7 darajagacha ko‘p degani.
Yog‘ingarchilik kutilmaydi, faqat tog‘li hududlarda qisqa muddatli yomg‘ir yog‘ishi mumkin. Shamol tezligi esa soniyasiga 15-20 metrgacha chiqadi.