Og‘ir atletika. Yurtdoshimiz JCh oltin medalini qo‘lga kiritdi

Ayni paytda Bahrayn mezbonlik qilayotgan og‘ir atletika bo‘yicha jahon chempionati doirasida erkaklar o‘rtasida -109 kg vazn toifasidagi bellashuvlar o‘tkazilmoqda. Quvonarlisi, hozirgina yakunlangan dast ko‘tarish mashqida hamyurtimiz Sharofiddin Amriddinov oltin medalga qo‘lga kiritdi.

Yurtdoshimiz ushbu mashqni 184 kg bilan yakunlashga muvaffaq bo‘ldi. Ushbu dasturda qatnashgan yana bir polvonimiz Ruslan Nurudinov 182 kg bilan beshinchi bo‘ldi. Atletlarimizga siltab ko‘tarish mashqida omad tilab qolamiz.