«Transfermarkt» portali koronavirus pandemiyasi sababli 8 aprel kuni aksariyat futbolchilarning transfer bahosini tushirdi.
Jumladan, Xitoyning «Shanxay SIPG» va O‘zbekiston milliy jamoasi yarimhimoyachisi Odil Ahmedovning transfer bahosi ham tushgan. 32 yoshli futbolchining transfer narxi 500 ming yevroga arzonlab, 2 million yevroga baholangan.
Ma’lumot uchun, milliy jamoamiz sardorining transfer qiymati eng ko‘tarilgan davr 2016 yil bo‘lib, o‘shanda «Krasnodar» klubi futbolchisi bo‘lgan Ahmedovning bahosi 9 million yevroni tashkil etgandi. 2019 yil sentyabriga kelib transfer narxi 4,5 millionga tushgan bo‘lsa, dekabrda 2,5 million yevrogacha pasaygandi.