Norvegiya Rossiya tomonidan ehtimoliy hujum yuz bergan taqdirda tinch aholini evakuasiya qilish rejasini ishlab chiqmoqda.
Bu haqda Norvegiya Fuqaro muhofazasi boshqarmasi rahbari Elizabet Orseter VG nashriga bergan intervyusida ma’lum qildi.
Uning aytishicha, bu ishlar Qurolli kuchlar va polisiya bilan yaqin hamkorlikda olib borilmoqda. Hozirda xavf darvjasi yuqori bo‘lgan hududlar baholanmoqda.
"Bular Rossiyaga geografik jihatdan yaqin joylashgan hududlar, shuningdek, harbiy ob’ektlar joylashgan joylardir", — dedi Orseter.
Allaqachon Norvegiyaning shimolidagi Finnmark viloyatida harbiy evakuasiyani rejalashtirish bo‘yicha uchrashuvlar o‘tkazilgan. Shuningdek, Tromsyo va Ser-Varanger munisipalitetlari rahbariyati ham bunday choralar zarurligini bildirgan. Rejani ishlab chiqishda Norvegiya Rossiyaning Ukrainaga bostirib kirishi tajribasidan kelib chiqmoqda. Xususan, agressor tomonidan energetika infratuzilmasiga zarbalar berish ehtimoli yuqori ekanligi inobatga olinmoqda.
Rossiyaning “taslim bo‘lish” taklifi haqida ma’lum qilindi
Rossiya sobiq SSSRning Yevropa qismidagi hududlarini qaytadan egallashni istaydi(mi)?
Rossiya darhol harbiy harakatlarni to‘xtatishga tayyor,
