NATO tashqi ishlar vazirlari Ukrainaga generatorlar va yoqilg‘i yetkazib berishga kelishib oldilar

Ruminiyada bo‘lib o‘tgan uchrashuvlarning birinchi kuni yakunlariga ko‘ra, NATO tashqi ishlar vazirlari energetika infratuzilmasini tiklashga yordam berish uchun Ukrainaga generatorlar va yoqilg‘i yetkazib berishga kelishib oldilar, dedi bosh kotib Yens Stoltenberg.

"Bugun ittifoqchilar Ukrainaga yordam shartnomasi doirasida qo‘shimcha va’dalar berdi. Bular Ukrainaga Rossiyaning energiya infratuzilmasiga hujumlari oqibatlarini bartaraf etishda yordam berish uchun favqulodda noharbiy yordam, jumladan, yoqilg‘i va generatorlarni o‘z ichiga oladi", deb tushuntirdi u.