Namangan viloyati To‘raqo‘rg‘on tumanida yashovchi Nafisa Yunusova va Abdukamol Ahmadjonov biryo‘la to‘rt egizakning ota-onasiga aylandi, deya xabar bermoqda SSV Matbuot xizmati.
Unga ko‘ra, tug‘uruq jarayoni Respublika ixtisoslashtirilgan ona va bola salomatligi ilmiy-amaliy tibbiyot markazi Namangan filialida jarrohlik amaliyoti orqali, asoratsiz bajarilgan.
Egizaklarning 2 nafari o‘g‘il va 2 nafari qiz bo‘lib, ayni paytda ularning umumiy ahvoli qoniqarli. Ona va chaqaloqlar malakali mutaxassislar nazorati ostida. Go‘daklar belgilangan standartlar asosida parvarishlanmoqda.
4 egizak otasining aytishicha, ularning avlodida qo‘sh farzandlar tug‘ilishi ko‘p kuzatilgan, ammo 4 egizakning dunyoga kelishi birinchi marta uchramoqda.