Myanmadagi zilzila oqibatida 13 nafar Xitoy fuqarosi jabrlandi

Myanmadagi zilzila oqibatida 13 nafar Xitoy fuqarosi jabrlandi.

Bu haqda Xitoyning Myanmadagi elchixonasiga tayanib, Xitoy markaziy televideniyesi xabar berdi.

"30 mart kuni Xitoyning Myanmadagi elchixonasi Myanmada yuz bergan kuchli zilzila oqibatida 13 nafar Xitoy fuqarosi jabrlanganini tasdiqladi”, — deyiladi xabarda.

Xinhua agentligi Xitoyning Yangondagi elchixonasi xodimiga tayanib, avvalroq 12 kishi jarohatlangani haqida xabar bergan edi.

Myanmada 28 mart kuni kuchli zilzila sodir bo‘ldi. Tailand meteorologiya boshqarmasi ma’lumotlariga ko‘ra, uning magnitudasi 8,2 ni tashkil qilgan. Zilzila qurbonlari soni 1600 dan oshdi. Zilziladan Tailand ham jabr ko‘rgan, yer silkinishlari Xitoy va Vyetnamda ham sezilgan.