1984 yilgi Los-Anjeles Olimpiadasining dzyudo musobaqasi finallaridan biri olimpiya tarixida o‘zgacha iz qoldirgan. O‘shanda misrlik Muhammad Ali Rashvan jarohat olgan yaponiyalik raqibining chempion bo‘lishiga imkon yaratib bergandi.
Mohir kurashchi Yasuxiro Yamashita yarim finalda olgan jarohati tufayli finalda oqsoqlangan holda tatamiga chiqadi. Rashvan esa raqibining o‘ng oyog‘iga birgina hujum bilan g‘alaba qozonishi mumkin bo‘lgani holda, o‘zini yengishiga imkon yaratib berib, kumush medal bilan kifoyalanadi.
Undan bu haqda so‘rashganida: «Mening dinim jarohatlanganlarga, ayniqsa, tananing shikastlangan qismiga hujum qilishni taqiqlaydi. Agar raqibimga bosim qilib, shikast yegan oyog‘iga hujum qilganimda, nogiron bo‘lib qolishi ham mumkin edi. Hatto oltin medal uchun ham bunday qila olmayman», deya javob bergan.
Muhammad Ali Rashvan rasman olimpiada chempionlari qatorida turmasa-da, juda ko‘pchilikka o‘rnak ko‘rsata olgan. O‘sha yili Xalqaro Feyrpley Qo‘mitasining «Halol o‘yin» sovrini bilan taqdirlangan.
Stoltenberg: “Agar Ukraina urushda yutqazsa..."
O‘g‘ri bojxonachilar 26 tonna oltin bilan qo‘lga tushdi
Tojikiston maktab ta’limiga to‘sqinlik qilganlik uchun jinoiy javobgarlikni kuchaytirdi
