Muqimiy nomidagi O‘zbekiston davlat musiqali teatrida O‘zbekiston Respublikasi Madaniyat vazirligi vakillari va teatr jamoasi ishtirokida yig‘ilish bo‘lib o‘tdi.
Muqimiy nomidagi O‘zbekiston davlat musiqali teatriga direktor etib O‘zbekistonda xizmat ko‘rsatgan artist Aleksandr Bekjonov tayinlanganligi rasman e’lon qilingan. Bu haqda Madaniyat vazirligi axborot xizmati ma’lum qilmoqda.
Yig‘ilish so‘ngida kuni kecha tavallud kunini nishonlagan ustoz san’atkorlar O‘zbekiston xalq artisti Naima Po‘latova hamda O‘zbekistonda xizmat ko‘rsatgan artist Turg‘un Beknazarovlar O‘zbekiston Respublikasi Madaniyat vazirligi tomonidan tashakkurnomalar va esdalik sovg‘alari bilan taqdirlangan.