Mo‘g‘ulistonda qizamiq bilan kasallangan fuqarolar soni yetti mingdan oshdi

Mo‘g‘ulistonda tasdiqlangan qizamiq bilan kasallanganlar soni 4 kun ichida 6836 dan 7717 taga ko‘paydi.

Bu haqda Yuqumli kasalliklar milliy markazi ma’lum qildi.

"Qizamiq eng ko‘p uchraydigan maktablarning ta’til kunlariga yopilishi kasallanish darajasining pasayishiga ta’sir qilmadi. Agar 12 iyun kuni 6836 nafar fuqaroda qizamiq kasalligi aniqlangan bo‘lsa, 16 iyun holatiga ko‘ra, ushbu kasallikka chalinganlar soni 7717 nafarga yetdi. Bemorlar bilan faol aloqada bo‘lgan 63 ming 52 kishi tibbiy nazorat ostida”, - deyiladi xabarda.

Eslatib o‘tamiz, iyun oyi o‘rtalariga kelib, mamlakatda qizamiqdan beshta o‘lim holati qayd etilgan. Avvalroq departament shoshilinch tibbiy yordamni kutayotgan farzandlari bilan navbatda turgan fuqarolar oqimiga dosh bera olmagani haqida xabar bergan edi.

Qizamiq bilan kasallangan birinchi fuqarolar Ulan-Batorga 2025 yil fevral oyi oxirida chet el reyslarida yetib kelgan. Mamlakatda oxirgi marta 2019 yilning mart oyida bolalar o‘rtasida kasallik avj olgan, biroq Jahon sog‘liqni saqlash tashkiloti Mo‘g‘ulistonni 2016 yilda qizamiqni bartaraf etgan davlat sifatida tan olgan.