Misr Rossiyaning «Mir» to‘lov tizimi mamlakatda 2024 yil oxirigacha ishga tushishini kutmoqda, deb yozadi «TASS» axborot agentligi o‘z manbalariga tayanib.
Misr bank sektori vakillarining aytishicha, barcha siyosiy masalalar allaqachon hal qilingan, qolgani amaliy tafsilotlar va texnik masalalar bo‘yicha kelishib olish.
Biroq, Mirni Misr bank to‘lov tizimiga ulashning texnik tomonini hal qilish biroz vaqt talab etadi.
Ayrim ekspertlarga ko‘ra, Misr BRIKSga to‘laqonli a’zo bo‘lganidan keyin bu jarayon tezlashgan.