«Milan» hujumchisi Zlatan Ibrahimovich yana bir mavsum milanliklar safida qolishi mumkin, deya xabar qilmoqda Nikolo Skira.
«Rossoneri» 40 yoshli futbolchiga bir yillik shartnoma va 2,5 million yevro maosh taklif qilmoqchi.
Avvalroq shvesiyalik hujumchi faoliyatini tugatib, aprel oxirida vafot etgan Mino Rayolaning agentligida ish boshlashi mumkinligi haqida xabar tarqalgandi.
Bundan tashqari, Ibrahimovich «Milan» bilan skudettoni qo‘lga kiritsa, faoliyatini yakunlashi mumkinligi xabar qilingandi.
Zlatan 2021/22 yilgi mavsum A Seriyada 23 ta o‘yinda ishtirok etib, 8 ta gol va 3 ta golli uzatmaga mualliflik qildi.